ministries

Family Ministry

የባለትዳሮች ህብረት አገልግሎት በኢትዮጵያዉያን ክርስቲያኖች ኅብረት ቤተክርስትያን አስተዳደር መመሪያና መተዳደሪያ ደንብ መሰረት፤ የአጥብያ ቤተክርስቲያን አካል ሆኖ የሚሰራ ነዉ ። ዋና የአገልግሎቱ ትኩረት ባልና ሚስት እርስ በእርስ ሊኖራቸዉ የሚገባዉን ግንኙነት በእግዚአብሔር ቃል መሰረት በፍቅር፤ በመከባበርና አንዱ ሌላዉን ለመርዳት (to understand each other) በመጣርና በመተሳሰብ ፤ በመደጋገፍ ላይ እንዲመሰረትና እንዲያድግ ማበረታታት ነዉ ።

አገልግሎቱ አጥቢያ ቤተክርስተያንዋ የተሰጣትን ዋና የማስተማር ተልእኮዋን ቤተሰብን በተመለከተ መስክ (topics/subject) ረገድ ለመተካት ሳይሆን፤ ስራዋን በማገዝና በመ ደገፍ እንደ አንድ የአካልዋ ክፍል ለተልኮዋ ስኬት መተባበር ነዉ ።

አገልግሎቱ በተለይ የታወቀበትና በየዓመቱ በጉጉት በብዙዎች ዘንድ የሚጠበቀዉ ‘በፌበሪዎሪ’ አጋማሽ ላይ የሚ ኪያሄደዉ “የፍቅረኞች ጊዜ” ነዉ ። በዚህ ጊዜ ባለትዳሮች በሚኖራቸው የሕብረት ጊዜ ትዳርን በተመለከተ የተለያዩ ትምህርቶች ይሰጣቸዋል።

እንደዚሁም በየጊዜው ባለትዳሮችን በተመለከተ፥ ትምህርታዊ አውደ ጥናቶችን (workshops) በማዘጋጀት፤ በቤተሰብ ነክ ጉዳዮች ላይ እግዚአብሔርን በማገልገል የተሰማሩትን ወንድሞችና እህቶችን ከዉጪም ሆነ ከዉስጥ በመጋበዝ የማነቃቂያና የማበረታቻ ፕሮግራሞችን ያስተባብራል ።

ministries

Virtuous Women Ministry

የኢትዮጵያ ክርስቲያኖች ኅብረት ቤተ ክርስቲያን በሂውስተን የሴቶች ኅብረት የተቋቋመው ቤተ ክርስቲያኒቱ ከተመሠረተችበት ጊዜ ጀምሮ ነው። ይህ ኅብረት ባለፉት ዓመታት ሴቶችንና ቤተ ክርስቲያኒቱን በአጠቃላይ በተለያዩ መንገዶች በመደገፍና በማገልገል ከፍተኛ አስተዋጽኦ አበርክቷል። አሁን ደግሞ፣ ይህ ኅብረት ፦

      “ ልባም ሴትን ማን ሊያገኛት ይችላል? ዋጋዋ ከቀይ ዕንቁ ይበልጣል” (ምሳ.31፡10)

የሚለውን የመጽሐፍ ቅዱስ ቃል መሪ በማድረግ “ልባም ሴት የእህቶች አገልግሎት” በሚል ስያሜ ከምንጊዜውም ይልቅ በተጠናከረ መልኩ ተደራጅቶ በቤተ ክርስቲያኒቱና ባካባቢዋ የሚገኙትን ሴቶች በማገልገል ላይ ይገኛል።

ministries

Media Ministry

የሚዲያ አገልግሎት ዋና ዓላማው የተመሰረተው ጌታ ኢየሱስ ክርስቶስ በማቴዎስ ወንጌል ምዕራፍ 28፤ 19-20
ለደቀ መዛሙርቱ ዛሬ ደግሞ በእርሱ ላመንን ለእኛ በሰጠው ታላቅ ትዕዛዝ ላይ ነው።

“ እንግዲህ ሂዱና አሕዛብን ሁሉ በአብ በወልድና በመንፈስ ቅዱስ ስም እያጠመቃችኋቸው፥ ያዘዝኋችሁንም ሁሉ እንዲጠብቁ እያስተማራችኋቸው ደቀ መዛሙርት አድርጓቸው፤…”

በዚህም መሰረት የሚዲያ አገልግሎት የዘመኑን ቴክኖሎጂ በመጠቀም ቪዲዮ ኦውዲዮ በየሳምንቱ ዘወትር እሁድ በተጨማሪም ደግሞ በተለያዩ ጌዜያት በቤተ ክርስቲያኒቱ ውስጥ የሚካሄዱ ኮንፍረንሶች እና የተለያዮ የኅብረት ፕሮግራሞችን ወደ ቤተክርስቲያኒቱ ለሚመጡም ሆነ ከዓለም ዙሪያ በኢንተርኔት ፕሮግራሙን ለሚከታተሉ ምዕመናን በቀጥታ በድምፅ እና በምስል አቀነባብሮ በማስተላለፍ፤ የሚተላለፈውን በመቅረፅ፤ የተቀረፀውን በዚሁ አገልግሎት በሚደገፍ ድረ ገጽ በኩል በቅርብም ሆነ በሩቅ ላሉ የምስራቹን ዜና ያልሰሙ ሰዎች እንዲሰሙና እንዲድኑ የሰሙትና የዳኑት ደግሞ ደግሞ እንዲታነፁ እውነኛው የእግዚአብሔር ቃል እንዲደርሳቸው ማድረግ ነው።